United Transport Cooperative Mipahigayon og Tree Planting Activity

Ang United Transport Cooperative (UTC) sa Barangay Barra mipahighayon og pagpananom sa kahoy didto sa Makaluesa Reforestation Area, Sitio Camingawan, Patag ning lungsod niadtong Enero 11, 2021.

Inabagan sa Municipal Environment and Natural Resources Office (MENRO), 100 ka seedlings ang natanom sa 30 ka mga miyembro sa maong kooperatiba inubanan sa ilang maabtikon nga Presidente nga si Mr. Wilfredo Gabe.

Matod pa ni Mr. Gabe nga gawas sa mando sa Land Transportation Franchising and Regulatory Board (LTFRB) nga magtanum og at least usa ka kahoy alang sa matag unit nga i-apply, gilantaw usab sa maong grupo kon unsaon nga maka-suporta sa kalihokan sa LGU diha sa pagpanalipod sa kinaiyahan.

Mapasalamaton si Municipal Mayor, Hon. Maximino “Max” B. Seno sa gipakita nga kaikag sa UTC ug siya naglaum nga daghan pang grupo ang magpakabana sa atong kinaiyahan tungod kay gahatag kini og kinabuhi sa kalibutan. #

– Engr. Randolph Q. Hallasgo