Opol Vendors Nakabenepisyo sa Assistance to Individuals in Crisis Situation

Midawat sa tig Php 3,000.00 nga Livelihood Assistance Grants (LAG) ang 200 ka Opol public market and sidewalk vendors gikan sa Department of Social Welfare and Development (DSWD) – X niadtong Enero 6, 2021 didto Taboc Gym.

Mikabat sa Php 600,000.00 ang kinatibuk-ang kantidad nga nadawat sa mga benepisyaryo inubanan sa relief goods. Gawas niana, adunay gipahigayon nga raffle courtesy of Senator Christopher Lawrence “Bong” T. Go diin 10 ka mountain bikes ug 10 usab ka android tablets ang gipang apod-apod niadtong tungora.

Mapasalamaton og dako ang mga benepisyaryo ngadto sa LGU pinangulohan ni Municipal Mayor, Hon. Maximino “Max” B. Seno nga nagpadayon sa paghatag hinabang aron sa pagdugang sa ilang puhonan sa negosyo.

Nagpasalamat usab sila sa Municipal SWD Office (MSWDO) pinamunoan ni Ms. Marlina A. Alo sa ilang pagpaningkamot nga masuportahan ang ilang mga nag-unang panginahanglanon pinaagi sa Assistance to Individuals in Crisis Situation (AICS). #

– Dedith G. Mabao