Paghatag Livelihood Assistance Grants Nagpadayon

Ciento doce (112) ka mga benepisyaryong Opolanon ang midawat sa tig Php 10,000.00 nga Livelihood Assistance Grants (LAG) gikan sa Department of Social Welfare and Development (DSWD) – X niadtong Disyembre 18, 2020 didto silong sa Legislative Hall.

Sa kinatibuk-an, adunay Php 1,120,000.00 nga tabang pinansyal ang gihatag sa kwalipikado nga mga pamilya kansang naapektuhan ang mga panginabuhian diha sa pagpatuman sa community quarantine.

Ang amahan sa lungsod, Municipal Mayor, Hon. Maximino B. Seno, mipadangat sa iyang dakong pasalamat ngadto sa DSWD sa maayong tinguha nga matabangan ang mga labaw nga nag antus sa pandemya nga atong nahiagoman.

Nagpasalamat usab siya sa Municipal SWD Office (MSWDO) pinamunoan ni Ms. Marlina A. Alo sa ilang pagpaningkamot. #

–Dedith G. Mabao