Seed Capital alang sa LSIs ug OFWs Giapod-apod
Gihimo niadtong Disyembre 16, 2020 didto silong sa Legislative Building ang pagpanghatag sa seed capital alang sa mga proyekto sa panginabuhian sa Opolanong locally stranded individuals (LSIs) ug overseas Filipino workers (OFWs).
Ang maong ayuda mamahimong magamit nga kapital alang sa alternatibong panginabuhian alang ngadtong mga panginabuhian ug mga trabaho nga labing naapektuhan sa emerhensya gumikan sa kasamtangang pandemya.
Ang pagpatuman sa maong programa gidumala sa Municipal SWD Office (MSWDO) pinamunoan ni Ms. Marlina A. Alo sa pakigtambayayong sa Public Employment Service Office (PESO) sa pagpanguna ni PESO Manager-Designate Ms. Odette P. Galangke ug sa Municipal Agriculture Office (MAO) sa pagpangulo ni Municipal Agriculturist-Designate Ms. Sarah O. Abella. #
–Ethel Rae C. Reyes
Photos by Opol- PESO
