1,958 Cash-for-Work Beneficiaries Midawat og Payout

Gipahigayon ang payout sa Cash-for-Work (CFW) alang sa 1,958 ka mga benepisyaryo gikan sa 10 ka mga barangay niadtong Disyembre 9, 2020.

Ang maong CFW usa ka hamubo ug temporaryo nga panarbaho alang ngadtong mga pinaka apektado nga mga indibidwal diin ang matag usa midawat og Php 2,740.00 alang sa napulo ka adlaw nga pagtrabaho sa ilang matag barangay aron matubag ang ilang pagkaon ug uban pang nag-unang panginahanglanon ilabi na ning panahon sa pandemya.

Ang pagpatuman sa maong programa gidumala sa Municipal Social Welfare and Development Office (MSWDO) pinamunoan ni Ms. Marlina A. Alo sa koordinasyon sa Department of Social Welfare and Development (DSWD) Field Office- 10.

Mikabat sa Php 5,364,920.00 ang kinatibuk-ang nahatag sa LGU-Opol pinangunahan ni Municipal Mayor, Hon. Maximino B. Seno.

#

-Dedith G. Mabao

Photos by Opol PNP