Partisipasyon sa 4th National Simultaneous Earthquake Drill Nagmalampuson

Nobyembre 27, 2020 gipatigayaon ang 4^th Quarter National Simultaneous Earthquake Drill (NSED) nga gipangulohan sa National Disaster Risk Reduction and Management Council (NDRRMC) pinaagi sa Office of the Civil Defense (OCD).

Sa maong kalihokan inubanan sa temang “Towards a Safer, Adaptive and Tsunami Resilient Community in the New Normal”, usa ang Opol-Bureau of Fire Protection (BFP) pinamunoan ni Municipal Fire Marshall, Senior Inspector (SINSP) Sam Laurence M. Velarde nga mipahigayon sa duck, cover, and hold technique.

Nakiusa usab sa NSED ug sa kalihokan niini sa social media ang Municipal Disaster Risk Reduction and Management Office (MDRRMO) pinangulohan ni Engr. Romel C. Lonoy.

Tumong sa maong kalihokan nga masiguro nga ang publiko nahibalo kon unsaon pagpangandam sa mga linog ug tsunami taliwala ning panahon sa pandemya. #

–Ethel Rae C. Reyes

Photos by Opol BFP