Kabatan-onan Mikat-on sa Skills Training

Usa ka pagkat-on sa t-shirt ug mug printing ang gisalmotan sa kabatan-onang Opolanon niadtong Nobyembre 25-27, 2020 didto sa Youth Development Center.

Gamit ang tulo ka printing machines gikan sa Department of Trade and Industry (DTI) nga gipahinungod sa maong sektor ubos sa ilang livelihood program, gisangkapan ni Mr. Joseph A. Actub ang mga partisipante sa hustong kahibalo gikan sa pag-layout sa design, pagprinta, ug uban pa.

Dako ang pasalamat sa Local Youth Development Council (LYDC) pinamunoan sa ilang President, Hon. Celestine Richie C. Caayupan, Sangguniang Kabataan (SK) Federation President ug SK Chairperson sa Brgy. Bonbon, sa suporta sa LYD Officer-Designate, Ms. Malyn B. Lumacad inubanan sa Municipal Social Welfare and Development Office (MSWDO) pinamunoan ni Ms. Marlina A. Alo. #

-Dedith G. Mabao