Proyekto sa Panginabuhian Gidawat sa Opolanon

Ang LGU-Opol pinaagi ni Municipal Mayor, Hon. Maximino B. Seno inabagan sa Department of Labor and Employment (DOLE) mitunol og panginabuhian ngadto sa pipila ka mga lumolupyo ning lungsod niadtong Nobyembre 19, 2020.

Ang maong DOLE-assisted livelihood projects ubos sa DOLE Integrated Livelihood Program (DILP) nagtumong sa pagtabang ug paghatag kapasidad sa panginabuhian ug pagnegosyo.

Inubanan sa Public Employment Service Office (PESO) sa pagpanguna ni PESO Manager-Designate Odette P. Galangke, gidawat sa mga benepisyaryo ang mga kinahanglanon alang sa cattle raising ug bigasan aron nga makasugod kun makapadayon sa ilang negosyo ug magmalungtaron sa ilang kaugalingong panginabuhian.

Ang LGU mipadangat sa kalipay ug pasalamat ngadto nila ni DOLE-X Reginal Director, Atty. Joffrey M. Suyao ug Provincial Head, Mr. Errol A. Natividad alang sa ilang wala’y katapusan nga suporta alang sa Opolanon. #

–Ethel Rae C. Reyes

Photos by Opol PESO