Pagpananom og Kahoy Gipahigayon Kauban ang Rotary Club of Opol

Ang Lungsod sa Opol pinangulohan ni Municipal Mayor, Hon. Maximino B. Seno inubanan sa Rotary Club (RC) of Opol mipahigayon og tree planting activities.

Niadtong Septembre 20, 2020 didto sa gisugyot nga bag-ong Government Center sa Brgy. Malanang ning lungsod, mikabat sa 200 ka seedlings ang natanom kauban ang Rotary Club of Bay Area, Rotaract Club of Carmen Valley, Rotary Club of Carmen Valley ug Rotary Club of CDO Centerpoint.

Subay pa sa Municipal Environment and Natural Resources Office (MENRO), katuyoan sa maong kalihokan nga adunay mamahimong gamay nga tree park area sulod sa government compound sa LGU nga mao usab buhaton isip nga adopted area sa nagkadaiyang RCs ug uban pang mga organisasyon sa Opol.

Samtang sa nahitabong Governor’s Visit niadtong Oktubre 23, 2020 kauban sila si Rotary International District 3870 Governor Rogelio A. Buot, Jr. ug Assistant Governor Franco A. Catajoy, adunay gipahigayon nga pagpananom og bakhaw didto sa Marine Sanctuary Area, Brgy. Luyong Bonbon

Si Sangguniang Bayan (SB) Member ug kasamtangang RC Opol President, Hon. Danilo O. Daroy, mapasalamaton nga napili ang Opol nga makadawat niini nga serbisyo gikan sa katawhan nga nagmakugihun sa pagprotektar sa atong kinaiyahan. Sa dugang, siya manghinaot nga magpadayon kini ilabi na karon nga adunay hulga sa atong kinaiyahan gumikan sa mga bagyo. #

-Engr. Randolph Q. Hallasgo