Igpit ES Napili sa Adopt A School Program

Ang Opol Masonic Lodge No. 425 nga gipangulohan ni Worshipful Master Wadhu John Dharamdas III mitunol sa nagkadaiyang ayuda ngadto sa Igpit Elementary School (IES) niadtong Septembre 11, 2020.

Gi-turnover ang mga gamit sa eskwelahan sama sa 61 rims nga bond papers, 4 gallons nga bleach, 2 gallons nga alcohol, ug 100 ka piraso nga face shields nga magamit sa mga magtutudlo ug frontliners sa maong tunghaan ning panahon sa Coronavirus disease (COVID-19) nga pandemya.

Niadtong Oktubre 23, pormal nga gipahigayon ang pagpirma sa Memorandum of Agreement (MOA) alang sa Adopt A School Program sa maong organisasyon diin benepisyaryo ang IES.

Dako ang pasalamat sa LGU-Opol pinaagi ni Municipal Mayor, Hon. Maximino B. Seno, ngadto sa pakigtambayayong sa District of Opol pinamunoan ni Public Schools District Supervisor (PSDS), Dr. Roie M. Ubayubay, School Principal Julius N. Ubaub, ug sa tanang mga magtutudlo. #

– Engr. Randolph Q. Hallasgo