Philippine Coast Guard-10 Misaulog og Simultaneous Tree Planting Activities

Mipasiugda og simultaneous tree planting activities ang Coast Guard Substation Opol sa Philippine Coast Guard (PCG) 10 didto sa Makaluesa Reforestation Area, Sitio Maapo, Brgy. Patag ning lungsod.

Niadtong Oktubre 9 sa koordinasyon sa Lokal nga Pangagamhanan sa Opol nga gipangulohan ni Municipal Mayor, Hon. Maximino B. Seno pinaagi sa Municipal Environment and Natural Resources Office (MENRO) ang mga personahe sa maong ahensiya mipadangop sa kabukiran aron sa pagkonserbar dili lamang sa kadagatan apan apil na usab sa kabukiran.

Samtang niadtong Oktubre 18 gipatigayon ang clean-up drive ug mangrove planting didto sa Marine Sanctuary Area, Brgy. Luyong Bonbon kauban ang Luyong Bonbon Barangay Council sa pagpanguna ni Punong Barangay Roland B. Alfeche, El Salvador ug Laguindingan CG Substations, Philippine National Police Maritime Group (PNP-MG), ug ang Golden Cross Eagles.

Mapasalamaton si Municipal Mayor, Hon. Maximino B. Seno sa CG Station Misamis Oriental inubanan ni Commander Ferdinand F. Montermoso ug siya manghinaot nga magpadayon ang maong gawi ug mamahimong ehemplo sa tanang mga ahensiya sa gobyerno ug katawhan. #

-Loelle Joseph D. Pacana