Panginabuhian Gitunol Ngadto sa Opolanon

Ang LGU-Opol pinaagi ni Municipal Mayor, Hon. Maximino B. Seno inabagan sa Department of Labor and Employment (DOLE) mitunol og panginabuhian ngadto sa tulo ka mga asosasyon ning lungsod niadtong Oktubre 9, 2020.

Ang maong DOLE-assisted livelihood projects nagtumong sa pagpadayon sa kaayohan sa mga Opolanon gikan sa informal nga ekonomiya, sa mga grupo kun sektor nga adunay espesyal nga panginahanglanon, displaced wage workers (lokal ug sa gawas sa nasud) ug ilang mga pamilya.

Inubanan sa Public Employment Service Office (PESO) sa pagpanguna ni PESO Manager-Designate Odette P. Galangke, gidawat sa mga benepisyaryo ang mga kinahanglanon alang sa buy and sell (firewood and eggs), sari-sari store, ug hog raising aron nga makasugod dayon sa ilang negosyo ug magmalungtaron sa ilang kaugalingong panginabuhian.

Ang LGU mipadangat sa kalipay ug pasalamat ngadto nila ni DOLE-X Reginal Director, Atty. Joffrey M. Suyao; Provincial Head, Mr. Errol A. Natividad; ug ni Family Welfare Program (FWP) Focal Person for Misamis Oriental, Ms. Alice Liz Gem Tinhay alang sa ilang wala’y katapusan nga suporta alang sa Opolanon. #

-Ethel Rae C. Reyes

Photos by: Ms. Odette P. Galangke/ Opol-PESO