LGU-Opol Nakiusa sa Social Marketing Campaign

Ang Lungsod sa Opol nga gipangulohan ni Municipal Mayor, Hon. Maximino B. Seno mipahigayon sa social marketing campaign alang sa Macajalar Bay Development Alliance (MBDA) niadtong Septembre 29, 2020.

Ang Municipal Environment and Natural Resources Office (MENRO) ug ang Municipal Agriculture Office (MAO) ang nanguna sa pagplastar ug pagpahigayon sa maong kalihokan nga agi og pagsuporta sa The Samdhana Institute – International Union for Conservation of Nature Netherlands (TSI-IUCN) pinaagi sa Sustainable and Healthy Integrated Ecosystems through Lobby and Advocacy (SHIELD) Project.

Sa maong kalihokan nga gisalmotan sa pipila ka kabatan-unan gikan sa Opol Local Youth Development Council (LYDC), mga ginikanan, ug fisherfolks, gipasabot ang information, education, and communication (IEC) material kit  nga naglangkob sa flipchart ug booklets mahitungod sa mga Balaod sa pangisda nga adunay pinili nga mga probisyon gikan sa Republic Act (R.A.) No. 10654.

Gipakita usab ang billboard ug brochures sa Sustainable Fishing, Market Denial and Convention on International Trade in Endangered Species of Wild Fauna and Flora (CITES) Marine Species nga makita sa Macajalar Bay inubanan sa posters sa marine protected areas. Nahisgutan usab ang booklets nga gidonar sa Bureau of Fisheries and Aquatic Resources (BFAR) – X sa Protected Philippine Aquatic Wildlife ug ang leaflets alang sa maayong pagdumala sa kinaiyahan gikan sa kabukiran paingun sa kadagatan (ridge to reef approach). #

-Engr. Randolph Q. Hallasgo