DSWD Migahin og Livelihood Assistance Grants

Ciento noventa (190) ka pamilyang Opolanon ang midawat sa tig Php 15,000.00 nga Livelihood Assistance Grants (LAG) gikan sa Department of Social Welfare and Development (DSWD) – X niadtong niadtong Agosto 17, 2020 didto sa 2^nd floor, Opol Public Market, Taboc.

Ang kinatibuk-ang Php 2,850,000.00 usa ka tabang pinansyal nga gihatag sa kwalipikado nga mga pamilya kansang naapektuhan ang mga panginabuhian diha sa pagpatuman sa community quarantine.

Ang amahan sa lungsod, Municipal Mayor, Hon. Maximino B. Seno, mipadangat sa iyang dakong pasalamat ngadto sa DSWD sa maayong tinguha nga matabangan ang mga benepisyaryong Opolanon nga labaw nga nag antus sa kasamtangang dagan sa ekonomiya.

Saludo usab siya sa Municipal SWD Office (MSWDO) pinamunoan ni Ms. Marlina A. Alo sa kanunay paghatag suporta sa rehabilitasyon ug kaayohan sa atong micro-enterprise ug informal sector. #

– Dedith G. Mabao

Photos by Opol Municipal Social Welfare and Development Office