Kalamboan sa mga Proyekto sa Panginabuhian Gipahibalo

Niadtong Agosto 12, 2020 gipahigayon ang pinaka-unang Recipient Consultation Forum sa tanang kapanungan sa lungsod nga nakadawat sa Livelihood Assistance sa lokal nga panggamhanan sa Opol.

Kini gitambongan sa 32 ka kapunongan nga naghatag sa ilang tagsa-tagsa ka financial reports. Sa susamang takna usab gitunol ni Municipal Mayor, Hon. Maximino B. Seno, ang livelihood assistance ngadto sa 3 ka kapunongan nga tagsa-tagsang nakadawat og Php 25,000.00.

Kini giapilan sa Kababaihang Nagkakaisa sa Zona (KANAZON), Kapunongan sa mga Mananagat sa Barra, ug ang Nursery Women’s Association.

Ang tanang kapunongan nga mitambong nagpaabot sa ilang dakong pasalamat sa LGU pinaagi na usab sa Municipal Agriculture Office (MAO) sa pagpangulo ni MAO-Designate Sarah O. Abella ug sa Komite sa Agrikultura nga gipangulohan ni Sangguniang Bayan (SB) Member, Hon. Glee A. Jacalan isip Chairperson. #

-Darline U. Yasay

Photos by Opol Municipal Agriculture Office