Pagbansay sa Good Hygienic Practice and Sanitation Nagmabungahon

Ang buhatan sa Bureau of Fisheries and Aquatic Resources (BFAR) – X mipahigayon og pagbansay mahitungod sa Good Hygienic Practice and Sanitation – Standard Operation Procedure niadtong Agosto 11-12, 2020 didto sa Opol Fish Port, Luyong Bonbon.

Sa maong kalihokan nga gisalmotan sa 30 ka katawhan nga gilangkuban sa mga mananagat, labors, ug fish vendors, gipakasayod ang kasagaran nga mga pamaagi sa maayong sanitasyon gikan sa pagkuha sa isda paingon na ngadto sa mga konsumedor nga mamalit.

Kini nga pagbansay gihimo sa Municipal Agriculture Office (MAO) pinamunoan ni MAO-Designate, Ms. Sarah O. Abella, ug gipaluyohan sa BFAR nga mihatag sa ilang suportang teknikal aron sa kalampusan niini.

Ang duha ka adlaw nga pagtudlo gisugdan sa usa ka orientation diin gipasabot sa mga partisipante sa tumong sa maong training. Kini natapos sa aktuwal nga inspeksyon sa fishing vessels aron maaplikar ang kahibalo nga natun-an diin nasuta usab nga ang tanan padayon nga nagsunod sa insakto nga mga pamaagi. #

–Noel R. Pulvera

Photos by Opol Municipal Agriculture Office