Pagsulbad sa Fall Army Worm Gitutokan sa MAO

Padayon ang pag-obserba sa Municipal Agriculture Office (MAO) sa bag-ong sakit sa mais ang miataki sa kabukiran nga naghatag og kadaot hinungdan sa gamay nga abot sa atong mga mag-uuma.

Pipila ka kabarangayan sa lungsod ang adunay natalang pag-atake sa dangan nga Fall Army Worm (FAW). Kini nga dangan kasagaran nga mo-atake sa tanum nga mais. Sumala sa pakigsusi sa MAO, adunay 100.9 ka ektarya nga kamaisan nga apektado sa maong dangan.

Ang Department of Agriculture (DA) pinaagi sa MAO pinangunahan ni MA-Designate Sarah O. Abella mitunol sa mga kemikal agi og ayuda  sa mga mag-uuma nga nakasinati sa maong prolema ug aron na usab  sa pagsugpo niini.

Mapasalamaton og daku ang lokal nga pangagamhan sa lungsod ubos sa administrasyon ni Municipal Mayor, Hon. Maximino B. Seno ngadto sa DA sa ilang walay pu-as nga paghatag og ayuda alang sa mga mag-uuma sa Opol.  #

–Calvin A. Arevalo, Jr. ug Mailyn C. Quiblat

Photos by Opol Municipal Agriculture Office