Arbor Day Gisaulog sa Lungsod

Ang lokal nga panggamhanan sa Opol pinamunoan ni Municipal Mayor, Hon. Maximino B. Seno pinaagi sa Municipal Environment and Natural Resources Office (MENRO) pinangulohan ni Engr. Randolph Q. Hallasgo, nakiusa sa tinuig nga selebrasyon sa Arbor Day.

Sigon sa maong kasaulogan, usa ka tree growing activity ang gipahigayon niadtong Hunyo 30, 2020 didto sa Makaluesa Reforestation Area, Brgy. Patag ning lungsod. Inubanan sa Misamis Oriental ENRO sa pagpangulo ni Engr. Prisco G. Valmoria ug sa koordinasyon sa Barangay Council sa Patag pinamunoan ni Punong Barangay Hermito B. Laid, Jr., 150 forest seedlings ang malampusong natanom.

Si Mayor Seno sa kanunay nagpahinumdom sa pag-amping ug pagpalambo sa atong ecosystems pinaagi sa rehabilitasyon sa atong palibot ug sa tibuok na nga kinaiyahan. #

-Ethel Rae C. Reyes

Photos by Opol Municipal Environment and Natural Resources Office