Opolanon Miselebrar sa Charter Day

Hunyo 15, 2020 mahinungdanong gisaulog sa matag Opolanon ang ika-70 nga Charter Day sa Opol pinangunahan sa amahan sa lungsod, Municipal Mayor, Hon. Maximino B. Seno.

Usa sa highlights sa maong kalihokan mao ang pag-ila sa mga Punong Barangays, Department Heads ug lain-laing private stakeholders sa lungsod nga mipaambit sa ilang mga paningkamot ug pagtabang sa komunidad sa panahon sa coronavirus disease (COVID-19)  nga pandemya.

Sa maong kasaulogan usab giila ang mga mananaog sa gipahigayon nga Independence Day online photography contest nga giapilan sa mga musunod:

For Selfie Category:

1^st Place: Jerry Calit

2^nd Place: Pat Garixander Callo Diolanto

3^rd Place: Neco Maape Sapio

Best Picture for Groufie Category:

Hazel Rabanes Tadle

Sa katapusan, usa ka donasyon gikan sa investors ning lungsod ug gikan sa lokal nga panggamhanan sa kinatibuk-ang kantidad nga Php 110, 000.00 inubanan sa mga sinina ang gihatag sa tulo ka mga pamilya nga biktima sa mikaylap nga sunog sa Brgy. Limonda. #

– Cuinee E. Samporna

Photos by Opol Philippine National Police