Opol- PESO Gisugdan ang Career and Employment Coaching

Ang Public Employment Service Office (PESO) pinangunahan ni PESO Manager Ms. Odette P. Galangke mitanyag og Career and Employment Coaching niadtong Marso 5 ngadto sa Grade 10 ug Grade 12 nga mga estudyante sa Opol National Secondary Technical School (ONSTS) ingon man usab ngadto sa Grades 10-12 nga mga estudyante sa Bagocboc National High School (BNHS) niadtong Marso 7.

Ang maong kalihokan usa ka programa sa Department of Labor and Employment (DOLE) – Region 10 inubanan sa pakigtambayayong sa LGU-Opol, Department of Education (DepEd), ug sa Commission on Higher Education (CHED) nga gihimo alang sa high school graduating students.

Katuyoan nini nga mapahibalo ang mga estudyante bahin sa labor market, lakip na ang mga trabaho nga in demand sa sunod nga katuigan.

Mapasalamaton si Municipal Mayor, Hon. Maximino B. Seno ngadto sa mga indibidwal nga naghimo niini nga malampuson nga giapilan nila Job Placement Bureau/ Public Employment Services Office (JPB-PESO) Officer-In-charge (OIC), Ms. Kathleen Kate D. Sorilla ug Administrative Officer V, Ms. Maria Carlota Cabading gikan sa City Government of Cagayan de Oro; personahe sa ONSTS pinamunoan ni Principlal II, Mr. Anthony Y. Pacamalan; Bagocboc Barangay Council pinangunahan ni Punong Barangay, Hon . Pepe D. Langala; ug personahe sa BNHS pinamunoan sa ilang School Head nga si Ms. Marie Jade A. Cacayan, Head Teacher I.

Sa dugang, ang amahan sa lungsod mipadangat sa kaikag ug sa paningkamot sa LGU nga kanunay nga awhagon ang mga estudyante sa pagplano sa ilang umaabot nga karera sa kinabuhi. #

— Ethel Rae C. Reyes

Photos by Opol Public Employment Service Office