4Ps Fast-food ug Catering Services Gibuksan

March 5, 2020|In Focus

Gibuksan sa publiko niadtong Marso 5 ang usa ka fast-food ug catering services nga nahimutang sa Seriña St., Zone 3, Poblacion ning lungsod.

Ang giingon nga kan-anan proyekto alang sa mga benepisyaryong Pantawid Pamilyang Pilipino Program (4Ps) sa Camaroc Sustainable Livelihood Program Association (SLPA) gikan sa Department of Social Welfare and Development (DSWD) – X inubanan sa Municipal SWDO sa pagpanguna ni Mrs. Marlina A. Alo.

Dako ang pasalamat ni Municipal Mayor, Hon. Maximino B. Seno ngadto nila Mr. Arthur O. Barrero, SLP Misamis Oriental Cluster 2 Provincial Coordinator ug sa Implementing Project Development Officer II nga si Mr. Rodrigo Directo sa pagsuporta sa panginabuhian sa Opolanon.

Mipadangat usab sa iyang pasalamat ang Association President nga si Ms. Vilma Abueva ngadto ni Sangguniang Bayan (SB) Member and Chairperson on Livelihood, Hon. Elizabeth Y. Tangub sa kanunay nga pag-abag sa 4Ps. #