Anti-Rabies Vaccination Gipahigayon

Ang lokal ga pangagamhanan sa Opol pinaagi sa Municipal Agriculture Office (MAO) gipangulohan ni Ms. Sarah Abella, Municipal Agriculturist-Designate uban sa Provincial Veterinary Office (PVO) sa Misamis Oriental nagpahigayon og Anti-Rabies Massive Vaccination sa coastal barangay dinhi sa lungsod.

Kini alayon sa pagselebrar sa Rabies Awareness Month sa bulan sa Marso inubanan sa temang “Makiisa sa Barangayan Kontra Rabies, Maging Responsableng Pet Owner” diin mokabat sa 2,476 ka mga iro og mga iring ang nabakunahan.

Ang maong kalihokan usab isip pagpatuman sa Republic Act (RA) No. 9482 kun ang Anti-Rabies Act of 2007 diin nakabutang sa Section 5 nga kinahanglan responsable ang matag tag-iya sa mga iro sa pagpabakuna kontra rabies ug pagparehistro niini sa LGU alang sa sakto nga talaan.

Ang LGU Opol ubos sa liderato ni Municipal Mayor, Hon. Maximino B. Seno mapasalamaton sa tanang mga Konseho sa coastal barangays sa paghatag sa ilang hugot nga suporta ug kooperasyon alang sa kalampusan sa maong programa.

Talamdan:

#

— Mailyn C. Quiblat

Photos by Opol Municipal Agriculture Office