Outreach Program Gipasiugda sa Kapulisan

Adunay 200 nga mga bata gikan sa Brgy Luyong Bonbon ang nakabenepisyo sa Outreach Program niadtong Pebrero 22, 2020 nga gisugdan sa Opol Municipal Police Station (MPS) ubos sa pagdumala ni PMAJ Evary E. Bacunawa, Chief of Police.

Gawas sa makalingaw nga parlor games ug sa gipangtunol nga pagkaon, ang maong kalihokan naglakip usab sa information drive ug lecture sa lainlaing espesyal nga mga balaod alang sa mga bata.

Ang outreach program usa sa mga labing maayong bulohaton sa kapulisan sa Opol nga nagtumong sa pagtukod sa maayong relasyon tali sa Philippine National Police (PNP) ug sa atong komunidad.

Si Punong Barangay, Hon. Roland B. Alfeche nagpahayag sa iyang dakong pagpasalamat sa mga personahe sa Opol MPS ug ni Ms. Annaliza G. Cornelio sa Jirah Enterprises, stakeholder nga mitabang sa kalihokan nga magmalampuson. #

— PSSg Jilda I. Sala