OCC Mipahigayon og Joint Pinning Ceremony

Agi’g pormal nga pagsugod sa ilang On-The-Job training (OJT), usa ka joint pinning ceremony ang gipahigayon didto sa Opol Plaza Multi-purpose Building niadtong Pebrero1 alang sa mga estudyante sa Opol Community College (OCC) ubos sa Bachelor of Science in Business Administration (BSBA) ug sa Bachelor of Science in Information Technology (BSIT).

Usa sa mga highlights sa nahisgutang kalihokan mao ang paghatag sa mga estudyante sa ilang tagsa-tagsa ka vow of commitment pahinungod sa ilang gipangandamang propesyon.

Sa iyang pagpakigpulong, giaghat ni Municipal Mayor, Hon. Maximino B. Seno ang mga estudyante sa pagpadayon sa pagkab-ot sa ilang mga damgo aron sila mamahimong ehemplo sa ubang kabataan.

Gilauman nga pinaagi sa OJT, mabansay ang mga estudyante sa mga buluhatong pang-opisina kun pang-industriya isip preparasyon sa pagpanarbaho human sa ilang gradwasyon. #

— Dr. Dolorita N. Arao