CBDRRM Planning uban ang Barangay Malanang Council ug Volunteers Nagmauswagon

 Ang Disaster Risk Reduction and Management (DRRM) Office nga gipangulohan ni Local DRRM Officer, Engr. Romel C. Lonoy, nagpahigayon sa Community-based Disaster Risk Reduction and Management (CBDRRM) Planning nga giapilan sa 35 ka mga miyembro sa konseho ug mga boluntaryo sa Barangay Malanang.

Ang maong planning nahitabo niadtong Enero 29-31, 2020 didto sa Blueview Resort, Inc., Sapong, Poblacion, El Salvador City.

Ang highlight sa maong aktibidades mao ang paghisgot sa Community Risk Assessment (CRA) ug ang pagplastar sa 5% Calamity Fund sa barangay. Ang CRA mao ang proseso nga nagkinahanglan og partisipasyon sa tanan aron sa pagsusi sa mga kakuyaw ug risgo nga anaa sa barangay lakip na usab ang paghisgot sa  mga estratehiya sa pagpangandam sa pag-atubang sa bisan unsang katalagman.

Pinaagi niini na-desisyonan sa Barangay Council ang mga angay i-prayoridad nga mga programa ug proyekto nga ipatuman sa Calendar Year 2020 sa ilang 5% Calamity Fund.

Sa katapusan, gi-turnover sa DRRMO ang draft nga kopya sa CBDRRM Planning nga gidawat usab ni Punong Barangay, Hon. Nilda G. Zafra inubanan sa ubang mga myembro sa Brgy. Council ug mga boluntaryo niini.

Sugyot pa ni Punong Barangay Zafra, sila nagpasalamat sa mga kawani sa DRRM nga maoy nagpasiugda sa maong kalihokan diin daghan sila og nakat-unan sulod sa tulo ka adlaw nga pagplano. #

— Maebel Lou A. Tedlos