ALS Scholars Migradwar sa Short Courses

Enero 24, 2020, malipayon ang mga Opolanong estudyante ubos sa Alternative Learning System (ALS) nga mitapos sa Shielded Metal Arc Welding (SMAW) National Certificate (NC) I ug sa Hilot (Wellness Massage) NC II.

Gihatagan og pagtagad sa LGU-Opol ang atong mga kaigsoonan sa ALS aron sa pagsangkap kanila sa gikinahanglan nga kahanas alang sa ilang panginabuhi.

Sa Hilot, mikat-on ang mga estudyante sa pag-massage ug sa paggamit sa herbal treatments, oil ug essences, mineral treatments, ug water treatment. Samtang sa SMAW, mikat-on ang uban sa pag- weld og carbon steel plates components sigon sa layout, blueprints, diagrams, work order, welding procedure kun oral instructions gamit ang SMAW nga welding equipment.

Ang lokal nga pangagamhanan pinaagi sa Public Employment Service Office (PESO) pinangulohan ni PESO Manager, Mrs. Odette P. Galangke kanunay nga nangita og mga kauban nga makahatag og libre nga pagbansay sa atong mga lumolupyo. Dako ang pasalamat ni Municipal Mayor, Hon. Maximino B. Seno sa paggiya sa Technical Education and Skills Development Authority (TESDA) Regional Office X sa pagpanguna ni Regional Director Tarhata S. Mapandi (Director IV).

Mapasalamaton usab kita sa Ellarina Technical Institute Training and Assessment Center Inc. pinamunoan sa ilang School President ug Chairman of the Board, Mr. Donald Rey S. Ellarina, nga anaa nahimutang sa Zone 11 Valles St., Poblacion, Laguindingan, Misamis Oriental. Ang maong training school kanunay nga gadawat ug gatabang sa atong mga iskolar nga adunay kakugi nga makakat-on. #

— Ralph C. Basalo