4Ps Beneficiaries Mipailawom sa Livestock Skills Training

Miagi ang Opolanong Pantawid Pamilyang Pilipino Program (4Ps) beneficiaries sa Livestock Skills Training niadtong Enero 21-24, 2020 didto sa Opol Multi-purpose Building.

Ciento ochenta y seis (186) ka mga benepisyaryo gikan sa 6 ka mga asosasyon sa Lungsod sa Opol ang nakapahimulos sa maong programa sa Department of Social Welfare and Development (DSWD) – X inubanan sa MSWDO sa pagpanguna ni Mrs. Marlina A. Alo.

Tumong sa maong kalihokan nga masangkapan ang 4Ps sa hustong kaalam diha sa pag atiman sa mga baka nga pagadawaton sa maong mga grupo. Dakong tabang sa kalampusan sa maong kalihokan ang kahanas nila ni Mr. Bimbo C. Legaspi ug Mr. John Paul Ceasar L. Lacandula, Livestock Technicians gikan sa Municipal Agriculture Office (MAO), nga maoy dinapit nga mga mamumulong bahin sa animal health management. #

— Dedith G. Mabao