Pinning Ceremony sa OCC College of Education Nagmalampuson

Niadtong Enero 11, 2020, 70 Education students sa batch 2019-2020 gikan sa Opol Community College (OCC) ang mipahigayon og pinning ceremony didto sa Grand Caprice Restaurant and Convention Center, Limketkai Center, Lapasan, Cagayan de Oro City.

Ang maong seremonya usa ka tradisyon nga nagtimaan sa okasyon diin ang usa ka tawo gidawat ug midawat sa propesyon sa pagtudlo. Pasiunang selebrasyon kini isip pre-service teachers nga ilahang ibansay ang kahibalo sa mga tunghaan.

Kining espesyal ug halandumong adlaw gitambongan sa mga tigdumala sa kolehiyo nga giapilan sa Officer-in-charge (OIC) – College President, Mrs. Dolorita N. Arao, PhD; Vice President for Academic Affairs /Supervising Officer, Mrs. Alma T. Gurrea, Ed.D; ug School Registrar I, Ms. Bernadeth T. Nacua.

Anaa usab ang mga representante sa Department of Education (DepEd) nga giapilan sa Public Schools District Supervisor sa Division of Misamis Oriental, District of Opol, Mr. Roie M. Ubayubay, Ph.D; ug Opol Central School Principal, Mr. Allan Roxas.

Sa iyang mensahe, gihatagan og gibug-aton sa Board of Trustees (BOT) Chairman ug Municipal Mayor, Hon. Mayor Maximino B. Seno, ang importansya ug symbolo sa pin sa Education Profession. Gipasidunggan usab niya ang mga ginikanan sa mga bag-ong mamumuo nga mga magtutudlo sa ilang mga sakripisyo sa pagpatungha sa ilang mga anak. #

— Sophomore T. Vacalares