OCC Misalmot sa 1st ALCU Games

Makahulogan ang pagsalmot sa Opol Community College (OCC) athletes sa gipahigayon nga unang Association of Local Colleges and Universities (ALCU) Games didto sa Tangub City niadtong Nobyembre 28 – Disyembre 2, 2019. Taliwala sa ka kulang sa kasinatian sa pag-apil sa mga liga, ang mga atletang OCCians mipakita sa ilang determinasyon sa paghatag og dungog sa eskwelahan.

Sa upat ka events nga giapilan sa OCC, ang grupo nakasakmit sa mga mosunod:

Gold                :           Chess (Women)

Gold                :           Badminton Doubles (Women)

Silver               :           Basketball

Bronze             :           Badminton Doubles (Men)

Mapasalamaton ang mga atleta, coaches, ug trainers sa suporta nga gihatag kanila sa LGU ubos sa liderato ni Municipal Mayor, Hon. Maximino B. Seno. Sa kasamtangan, padayon nga nagabansay ang grupo isip preparasyon sa ikaduhang ALCU Games nga adto ipahigayon sa Pangantucan, Bukidnon sunod tuig.

Ang ALCU gilangkoban sa dose ka mga tulonghaan (lokal nga mga kolehiyo) nga gidumala sa mga lokal nga pangagamhanan sa tibuok Rehiyon X. #

— Dr. Dolorita N. Arao