Business Learning Sessions Mi-Edukar sa usa ka Asosasyon

Ubos sa Business Permits and Licensing Office (BPLO) pinamunoan ni BPLO-Designate, Ms. Maisie M. Quidella mipahigayon ang Opol Negosyo Center sa lain-laing Business Learning Sessions (BLS) kauban ang Golden Care Association gikan sa Pag-ibig Citihomes, Malanang.

Niadtong Nobyembre 13, 2019 didto sa Municipal Administrator’s Office, adunay 37 ka mga partisipante gikan sa maong kapunongan ang mipailawom sa Financial Literacy Seminar kauban si Mr. Frank Richard T. Paurom, Certified Public Accountant (CPA), Master in Business Management (MBM) sa Capitol University isip resource speaker.

Sa pagpadayon niadtong Nobyembre 19, gipahigayon usab ang Pricing and Costing Seminar kauban si Mr. Norman Amerol, CPA sa EA Accounting and Consulting Services.

Sa katapusang hugna sa BLS nga gipahigayon didto sa Local Training Institute (LTI), Taboc niadtong Nobyembre 28, Bookkeeping Seminar ang gihisgotan kauban si Ms. Marie Antonette B. Emata-Amerol, CPA, MBM.

Mapasalamaton ang LGU-Opol sa kahanas nga gipaambit sa tanang resource speaker ug usab ni Ms. Regine J. Estorba, Negosyo Center Coordinator/ SME (Small and medium-sized enterprises) Counselor gikan sa Department of Trade and Industry (DTI) sa iyang walay puas nga paggiya ug pag-abag sa Opol Negosyo Center.

– Noelene Joy B. Jadumas