Opol – PNP Miduyog sa Earth Hour Night Ride

Misalmot niadtong Marso 30, 2019 ang pipila ka mga personahe sa Opol-Municipal Police Station (MPS) ubos sa pagdumala ni Police Major (P/MAJ) Evary E. Bacunawa, Officer-in-charge (OIC), sa Earth Hour Night Ride didto sa Cagayan de Oro City.

Ang maong kalihokan nga gidumala sa Habagat Outdoor Equipment, Inc. gisalmutan sa liboan ka bikers diin kini usab nahisubay sa tinuig nga selebrasyon sa Earth Hour, usa ka tinuig nga kalihokan nga nagtumong sa pagdasig sa mga indibidwal, komunidad ug establisamento sa pagpalong sa wala kinahanglana nga mga suga sulod sa usa ka oras isip panaad sa atong planeta.

Mipadangat si Municipal Mayor, Hon. Maximino B. Seno sa iyang pagdayeg ngadto sa Opol- Philippine National Police (PNP) sa ilang paningkamot sa pagpataas sa kahibalo sa publiko diha sa pagkonsumo sa enerhiya ug sa mga epekto niini sa kinaiyahan.

– P/SSGT Jilda I. Sala