Business Learning Sessions Gipahigayon

Ang LGU-Opol pinamunoan ni Municipal Mayor, Hon. Maximino B. Seno, pinaagi sa Opol Negosyo Center sa pagpanguna usab ni Business Permits and Licensing Officer (BPLO)-Designate, Ms. Maisie M. Quidella uban ang Department of Trade and Industry (DTI) mipahigayon og Business Learning Sessions (BLS) didto sa Municipal Administrator’s Boardroom.

Niadtong Marso 5, 2019, adunay 25 ka Opol market vendors ang miapil sa maong pagkat-on diin kini nagtumong sa pagsangkap kanila sa mga kahibalo mahitungod sa food safety ug good manufacturing practises nga gipakigpulong sa atong Municipal Sanitary Inspector, Ms. Angelita Y. Malinao.

Samtang niadtong Abril 2, 14 ka mga partisipante gikan sa Samahan Ng Ina Sa Kusina ug sa Out of School Youth ang mikat-on sa Entrepreneurship Development kauban si Ms. Regine J. Estorba gikan sa DTI nga mipakigbahin usab sa iyang mga kahibalo ngadto sa 16 ka mga partisipante gikan sa kahugpongan sa coffee ug cacao growers ning lungsod mahitungod sa Business Expenses Savings niadtong Abril 10.

– Noelene Joy B. Jadumas