LGU – Opol Miduyog sa World Water Day 2019

Matag Marso 22 gisaulog ang usa ka dako nga kalihokan sa kinaiyahan nga mao ang World Water Day.

Dinhi sa atong lungsod pinangunahan ni Municipal Mayor, Hon. Maximino B. Seno, pinaagi sa Municipal Environment and Natural Resources Office (MENRO), miduyog kita sa maong selebrasyon inubanan sa Barangay Council sa Taboc pinangulohan ni Punong Barangay, Hon. Rhey C. Yecyec inubanan sa Chairman sa Environment nga si Barangay Kagawad, Hon. Teody Yanan.

Subay sa tema ning tuig, “Leaving no one behind,” gipahigayon ang pagpanglimpyo sa Bungcalalan River sa Brgy. Taboc.

Dako ang kalipay ni Mayor Seno tungod kay pinaagi niini nga kasaulogan, nahinumdoman ang kamahinungdanon sa gasa sa tubig. Sa dugang, siya nanghinaot nga dili unta basta-basta hugaw-hugawan ang atong mga tubig-yaman kun water bodies nga naghatag kanato og dugang kinabuhi.

– Loelle Joseph O. Pacana