Bata Ngiti Mo, Kaligayahan Ko” Gidumala sa Kapulisan

Gipahigayon sa kapulisan sa Opol-Municipal Police Station (MPS) ang usa sa best practices niini nga mao ang “Bata Ngiti Mo, Kaligayahan Ko,” usa ka feeding ug gift-giving activity.

Ubos sa pagdumala ni Police Major (P/MAJ) Evary E. Bacunawa, Officer-in-charge (OIC), gibuhat ang lecture awareness, parlor games, pagpakaon ug paghatag sa regalo ngadto sa kapin kun kulang 300 ka kabataan sa Zone-1B, Luyong Bonbon niadtong Marso 22, 2019.

Niadtong Abril 4 gipahigayon usab ang susamang kalihokan ngadto sa kapin kun kulang 160 ka kabataan sa Sitio Tulahon, Malanang ug didto sa Zone 4, Bonbon ngadto sa kapin kun kulang 150 ka kabataan niadtong Abril 17.

Ang maong kalihokan nahimong posible pinaagi sa sponsorship sa birthday celebrants sa Opol-MPS alang sa bulan Marso ug Abril ug ilabi na sa tabang sa usa ka pribadong stakeholder gikan sa Pag-Ibig Citihomes, Malanang nga si Mr. Rene Casuboc.

Dako ang pasalamat ug pagdayeg ni Municipal Mayor, Hon. Maximino B. Seno sa pagpakigbahin sa mga pulis sa ilang mga grasya ug sa paghatag gugma ug tabang sa isig katawo.

– P/SSGT Jilda I. Sala