Paningkamot sa PWD Rehabilitation Class Giila

Pinaagi sa Persons with Disability Affairs Office (PDAO) nagpahigayon ang Persons With Disability (PWD) Rehabilitation Class sa tinuig nilang Recognition Day niadtong Marso 20, 2019.

Inubanan sa temang “My Ability is Stronger than my DisAbility” 25 ka Opolanong PWDs ang giila ug midawat sa ilang special awards ug character awards.

Ang maong programa gisugdan sa usa ka misa ni Rev. Fr. James R. Atillo, Jr. sa Iglesia Filipina Independiente (IFI) – Opol Parish Church nga gisundan sa makapadasig nga mensahe gikan ni Sangguniang Bayan (SB) Member ug Committee Chairperson on Social Services, Hon. Dante D. Roble, Sr. nga miingon nga anaa kanunay ang iyang suporta ug gugma alang sa PWDs.

Kabahin usab sa maong kalihokan ang pagpasundayag sa PWDs gikan sa nagkadaiyang differently-abled persons organizations sa lungsod sa ilang mga kaagi ug sa ilang mga talento.

Sa katapusan, gipaabot ni Ms. Alyn Nadela, Federation President, ang ilang dakong pasalamat kauban sa mga ginikanan ngadto na sa LGU-Opol pinamunoan ni Municipal Mayor, Hon. Maximino B. Seno pinaagi na usab sa Municipal Social Welfare and Development Office (MSWDO) pinangunahan ni Mrs. Marlina A. Alo.

– Janice B. Baslot