Pagsaulog sa Bulan sa Kababayen-an Nagmabungahon

Garbo sa trescientos (300) ka kababayen-an sa Opol ang malampuson nga pagsaulog sa 2019 National Women’s Month niadtong Marso 8, 2019 didto sa Opol Evacuation Building.

Ubos sa tema nga “We Make Change Work For Women,” gipahigayon usab niadtong tungora ang Women’s Assembly sa lungsod pinangunahan ni Municipal Mayor, Hon. Maximino B. Seno inubanan sa Sangguniang Bayan (SB) pinamunoan ni Municipal Vice Mayor, Hon. Chizarina M. Ortigoza ilabi na ni SB Member and Chairperson on Women and Family, Hon. Elizabeth Y. Tangub.

Miduyog sa maong okasyon si Second District of Misamis Oriental Representative, Congresswoman Juliette T. Uy nga mihatag og livelihood assistance ngadto sa Opol Women’s Federation.

Anaa usab nga mihatag sa ilang madasigon nga mga mensahe sila si Ms. Ann Jennifer Lagrosas, Regional Women’s KALIPI (Kalipunan ng Liping Pilipina) Federation President ug si Ms. Brenda C. Caberiana, Archdiocese of Cagayan de Oro Women’s Ministry Coordinator.

Sa katapusang bahin sa maong programa, gipaabot sa Opol Women’s Federation President, Ms. Editha Z. Pitogo ang ilang pasalamat sa tanan nga nakiusa sa selebrasyon ilabi na sa mga nagpaluyo sa kalampusan niini.

– Mardylene E. Mahistrado