Livelihood Equipment Gitunol

Ubos sa Bottom-Up Budgeting (BUB), mihatag ang Department of Trade and Industry (DTI) sa mga ekipo ngadto sa mga kooperatiba ug mga sektor ning lungsod alang sa ilang panginabuhian niadtong Marso 4, 2019.

Ang maong mga gamit gitunol sa LGU-Opol pinamunoan ni Municipal Mayor, Hon. Maximino B. Seno, pinaagi sa Opol Negosyo Center sa pagpanguna usab ni Business Permits and Licensing Officer (BPLO)-Designate, Ms. Maisie M. Quidella.

Gi-turnover ngadto sa mga benepisyaryo ang mga musunod: 1 printer; 2 heat press printing equipment; 1 multi-purpose crop grinder; ug 1 freezer.

Mapasalamaton ang mga hugpong nga nakabenepisyo niini nga giapilan sa Opol Employees Multi-purpose Cooperative (OPEMCO) nga gipangulohan sa Chairperson of the Board ug kasamtangang Municipal Administrator, Ms. Alona M. Guigayoma; Opol Federation of Cooperatives (OFEDCO) nga gipangulohan sa ilang presidente nga si Mr. Jonathan L. Loreno; Opol Youth Federation nga gipangulohan sa ilang presidente nga si Ms. Jesabel Busmeon; Taboc Farmers Multi-purpose Cooperative nga gipagulohan ni Ms. Cristita Barangot ug sa Opol Women’s Federation nga gipangulohan sa ilang presidente nga si Ms. Editha Z. Pitogo.

– Noelene Joy B. Jadumas