Pagrehistro sa Municipal Fishing Boats Gipahigayon
Ang Lokal nga Pangagamhanan sa Lungsod sa Opol pinangunahan ni Municipal Mayor, Hon. Maximino B. Seno, pinaagi sa Municipal Agriculture Office (MAO) sa pagdumala ni MAO-Designate, Ms. Sarah O. Abella, nagpahigayon sa pagrehistro ug pagsukod sa mga sakayan sa mga gagmayng mananagat sa lungsod.
Sa pagkakaron, adunay 59 ka mga mananagat ang natala sukad sa Enero 2019.
Ang pagrehistro sa mga sakayan sa pagpangisda sulod sa munisipyo nga anaa sa three gross tons ug paubos gipanghingusgan pinaagi sa Executive Order No. 305.
– John Paul Cesar L. Lacandula
