Pagbakuna ug Pagpurga sa mga Mananap Gipalig-on

Batok Rabies

             Sa pagpatuman sa Republic Act (RA) No. 9482 kun ang Anti-Rabies Act of 2007, ang LGU-Opol pinaagi sa MAO nagpahigayon sa pagbakuna sa mga iro sa lungsod. Sa maong kalihokan uban si Dr. Efren Melner S. Viloria gikan sa Provincial Veterinary Office (PVO), mikabat nga 2,397 ang nabakunahan.

Kini nga programa nahisubay usab sa selebrasyon sa Anti-Rabies Month nga gisaulog matag Marso kada tuig diin kabahin sa anti-rabies campaign ang pagpalambo sa impormasyon ngadto sa mga    lumolupyo sa lungsod sa Opol mahitungod na sa rabies virus.

Talamdan:

Batok Hemorrhagic Septicemia

            Gipahigayon usab ang tinuig nga pagbakuna ug pagpurga sa mga dagkong mananap pang-uma sa lungsod. Sa kinatibuk-an, 1,191 ang napurga ug 190 ang nabakunahan nga mga dagkong mananap.

            Kini gibuhat aron malikay ang mga dagkong mananap sa atong mga mag-uuma sa sakit nga Hemorrhagic Septicemia, usa ka bacterial disease nga dali nga makamatay ug kasagara nga makaapektar sa mga baka, kabaw, kabayo ug kanding. #

Talamdan:

– P/SSGT Jilda I. Sala