Outstanding Lupong Tagapamayapa Gipasidunggan

Pebrero 18, 2019 didto sa Legislative Building gipahigayon ang awarding ceremony alang sa gipangita nga Outstanding Lupong Tagapamayapa alang sa Calendar Year (CY) 2018.

Ang Lupong Tagapamayapa Incentives Awards (LTIA) nagmando sa Department of the Interior and Local Government (DILG) sa paghatag og economic benefits ug uban pang mga insentibo ngadto sa Lupong Tagapamayapa (LT) alang sa ilang talagsaong mga kontribusyon aron makab-ot ang mga tumong sa Katarungang Pambarangay.

Ang nahimong kalampusan sa mga lupon gi-usisa pinasukad sa efficiency of operations; effectiveness in securing the katarungang pambarangay objectives; ug creativity and resourcefulness of mediators.

Sa katapusan, gisuta sa Municipal Assessment Team (MAT) ang mga lupon nga nagpakita sa maayong gawi sa paghusay sa mga panagbingkil diha sa barangay nga lebel diin ang mananaog mao ang mga musunod:

Outstanding – Brgy. Barra nga midawat og Php 10,000.00 cash award ug Plaque of Appreciation

1^st Runner-up – Brgy. Patag nga midawat og Php 8,000.00 cash award ug Plaque of Appreciation

2^nd Runner-up – Brgy. Igpit nga midawat og Php 6,000.00 cash award ug Plaque of Appreciation

– Marina D. Ybanez