Opol-PNP Miapil sa Nagkadaiyang Bloodletting Activities

January 17, 2019|Events

Niadtong Enero 17, 2019 ang Misamis Oriental Police Provincial Office (MOPPO) ubos sa pagpangulo ni Police Colonel (P/COL) Rolando E. Destura, Provincial Director, nagpahigayon sa usa ka bloodletting activity ubos sa kasaulogan sa 25^th Philippine National Police (PNP) Ethics Day. Upat ka mga personahe gikan sa Opol-Municipal Police Station (MPS) ang miapil sa maong kalihokan nga gipahigayon sa Provincial Headquarters sa San Martin Villanueva, Misamis Oriental nga nahimong posible kauban ang Northern Mindanao Medical Center (NMMC) nga gipangunahan ni Dr. Ryan Lim, MO IV.

Sa laing bahin niadtong Pebrero 14, 2019, si Police Staff Sergeant (P/SSGT) Marc Arthur S. Reyes uban si Patrolman (PATMN) Editho A. Baculio, Jr. ubos sa pagdumala ni Police Major (P/MAJ) Evary E. Bacunawa, Officer-in-charge (OIC), misalmot sa usa ka bloodletting activity nga gipahigayon sa CityMall, Bulua, Cagayan de Oro City.

Samtang niadtong Pebrero 15, 2019, usa ka blood donation project ang gipasiugdahan sa Opol Community College (OCC) sa pakigtambayayong sa Lokal nga Pangagamhanan sa Opol, Rural Health Unit (RHU) ning lungsod ug sa Philippine Red Cross. Kini usab gisalmotan nila ni Police Master Sergeant (P/MSGT) Richard B. Amoguis ug Police Corporal (P/CPL) Ricky Almonia.

– P/SSGT Jilda I. Sala