Unity Walk ug Peace Rally Nagmabungahon

Isip maayong pagsugod diha sa usa ka malinawon nga 2019 Midterm Elections, ang mga personahe sa Opol-Municipal Police Station (MPS) pinangulohan ni Police Major (P/MAJ) Evary E. Bacunawa, Officer-in-charge (OIC) mipasiugda sa usa ka mahigalaong kalihokan niadtong Enero 13, 2019.

Inubanan sa pakigtambayayong sa Commission on Elections (COMELEC) pinangunahan ni Ms. Ma. Leah C Jaum, Election Officer III ug sa pakigduyog sa mga kandidato sa umaabot nga piliay, ang  maong kalihokan gisugdan pinaagi sa usa ka unity walk ug peace rally nga gisundan sa usa ka hamubo nga programa nga naglangkob sa integrity pledge, peace signing covenant ug pagpalupad sa balloons nga gipahigayon sa Opol Legislative Building, Brgy Poblacion ning lungsod.

Nagmalampuson ang maong kalihokan tungod na usab sa tabang ug pakighiusa sa Department of the Interior and Local Government (DILG), Department of Education (DepEd), relihiyoso nga mga sektor, Barangay Peacekeeping Action Team (BPAT) Barangay Tanod ug sa Opol-Bureau of Fire Protection (BFP) pinamunoan ni Municipal Fire Marshall, Insp. Richard R. Dorado. #

– P/SSGT Jilda I. Sala